WhatsApp Business API kaise lein: step by step (India)
MECGURA Team · · 1 min read
WhatsApp Business API lena mushkil nahi hai, bas steps ka order pata hona chahiye.
Step 1: Business details taiyar rakhein
Business ka naam, website ya page, address aur registration document (GST, Udyam ya shop registration). Meta kabhi-kabhi business verification maangta hai.
Step 2: Facebook Business portfolio
Meta Business Suite mein aapka business portfolio hona chahiye. Isi mein WhatsApp account judta hai. Portfolio ke admin aap khud rahein.
Step 3: Provider chunein
Provider woh company hai jo software deti hai: inbox, automation, campaigns. Poochein: setup kaun karega, Meta ka bill kaun karega, aur support kaisa hai.
Step 4: Number chunein
Aise number ka istemaal karein jo aap WhatsApp par OTP le sakein (SMS ya call). Agar number pehle se WhatsApp ya Business app par chal raha hai, to provider se poochein ki migration ya coexistence kaise hogi.
Step 5: Display name
Customer ko jo naam dikhta hai, wo aapke business naam se match hona chahiye. Meta ise approve karta hai.
Step 6: Templates approve karwayein
Customer ko pehle message bhejne ke liye approved template chahiye. Marketing, utility aur authentication, teeno categories alag hain. 22 free templates yahan se copy kar sakte hain.
Step 7: Test aur live
Apne doosre phone se message bhejkar replies, buttons aur hand-over check karein.
Dhyan rakhein
- Marketing messages sirf unhe bhejein jinhone permission di hai.
- Apna payment method seedha apne WhatsApp account mein lagayein aur dekhein ki kisi partner ki credit line to default nahi hai.
Setup mein madad chahiye? Free demo book karein.
